\
السـلام عليـكم ورحمــة الله وبركــاته
اشلونكم شخباركم ؟
اتمنى جميعكم بخيـر وصحة وسلامة
\
\
\
وســامحــوني عالتــأخيــر
من بدا رمــضان الله لايوريكم
اذبحـتني هالنـومه
اقوم من النـوم 2 الفـير حتى فـطور مااتفطر مع أهلـي :(
حاولت اعـدلها وعدلتها يوم
واليوم الثاني خربـتها
بس اليوم ناويه اعدلها مواصله من أمس
حــدي نــعسانه :(
بس ياجبل مايهزك ريــح P:
عموما بدش بالموضوع لأني لو تكلمت ماراح اخلص لي بـاجر
\
\
\
مــاادري ياجمــاعه جد مســتغربه ومنــقهره بنــفس الــوقت
من المصـخره اللي تــصير عندنا وبنفس الوقت محد قاعد يتـكلـم والكل سـاكت
غيــر المصـخره اللي بالشـوارع
صـرنا نشـوفها حتى بالــتلفـزون !
انا خبـري بقــنوات الكويتيه في شروط ومقاييس
وممنوع عرض اي شي مخل في الأداب
بس الحين لأ كل من هب ودب طلع بالتـلفزون
وكل شي قام ينـعرض عـادي !
\
\
\
ذاك اليوم بعد الفـطورقاعدين نقلب بالقنوات
تدرون برمضان ماشاءالله القنـوات تتـسابق منو يعرض مسلسلات اكثر
المهم
مااشوف الا ( فلانه) باغنيه عراقيه اهي وواحد يغنون
وتـردح !!
\
\
المــشكله مو مشـكلة الممثله
يعني ممثـله شنترجى منهـا؟
شي عادي عندهم !
لكن اللي قهرني أن القنــاة كويتيه اهي اللي قاعده تعرض !
يعني بالـذمه مو عيب؟
مو فشـله؟
وين قاعدين ! وين وصـلنا ؟
شي يفشـل بـصراحه ويحــز بالنــفس
ويبـون يـصلحون المجتـمع ويـربون أعيـالنا وينـشرون الأخلاق الحميده
لا بالله وصـلتوا خير
دام وسائل الإعلام اللي تعتبر من اهم مؤسسات التربـويه بالمجتمع
اللي لها تأثير قوي على المجتمع جـذي؟
عيل اشلون بيكـون مجتمـعنا ؟
\
\
\
ســوري عالطــواله
بس قـلبي متـروسه :P
هناك 16 تعليقًا:
قناة ما يهمها غير انها تجذب مشاهدين بالتحديد القنوات الخاصه
اشلون الطريقه ولا الكيفيه هذي مو مهم المهم انهم يصير عندهم جمهور
اهوه اكيد لازم في شروط وقوانين بس الي صاير الحين هالأشياء الي شفتيها صارت عاديه ما فيها مشاكل
صـح اهمه مـايهمهم
يعـني ماعليـهم شـره
بس الشــره على قــنواتنا
الله يهـديهم بس !
ديكاتي
اسعدني مرورك وتعليقك خيو
لا عدمنـا هالطـله
ان لم تستحي فأفعل ماشأت
مساء الورد
طولي بالك عزيزتي
وهذا فن كل شي بتشوفين فيه
مدونتك حلوة وايد وتستاهل الزيارة
وتسلمين
ولاتحملين القلب فوق طاقته
وبس
بابل
عزيزتي
مبارك عليكم الشهر في البداية
وتقبل الله اعمالكم
الصراحة الموضوع حساس
من ناحية القوانين والعادات الاسلامية
فان المصلحة فوق كل شيء
وان كان على المناظر المخلة
فالردح ليس الوحيد خطأ يبث في التلفزيونات
انما ايضا اللبس الفاضح
في الكليبات
والاغاني التي كلماتها لا تربط مع اللحن ولا احداث الكليب
والتلفزيونات الخاصة بعد مو محسوبة على الديرة
وعندج الام بي سي
سعودية
ومنهم مسلسلات واغاني فاضحة وايضا منهم الفتاوي والتحريم
الله يساعدنا على زمن التناقضات
كويـت ماستر
حكـمه معـبره
وتعبر عن الواقع للأسف
الف شكر لك
دمت بحفظ الرحمن
اسعدني مرورك ببلوقي ومشاركتك
مســاء الأزهـار
مـرورك وتعليـقك الأحلى
أسعـدني تـواجدك وتعـليقك
ولاتحملين القلب فوق طاقته
عجبـتني هالجمـله
اتمنى كلنا مانحمل هالقـلب فوق طاقته
شكرا لك
أهلا منــال
عليـنا وعلــيج حبيبتــي
صـحيح مو بس الرقص مشـكله
في شغلات وايد فاضحه وكلـنا عارفين
بس حبيـت اعلق عالردح اللي شفته واستغربت منه بصـراحه
واهي صحيح قناة خاصه لكنها تمثل الديره
لو قالوا من وين تنبث هالقنـاة او منو ماكلها بيقولون كويتي
يعني جذي وله جـذي راده علينـا
وهالشي اهو اللي يحز بالخـاطر
اسعدني وجودج وتعليـقج
تشــرفنا
دمتي بحفظ الرحمن
الحمدلله يارررررربي ان تلفزيوناتنا كل مالها وللأردى ..
ونااااااااسه D:
أصلا اذا مافي ردح ووصاخه وقلة أدب ووقاحه أشك اني قاعده أطالع التلفزيون واروح اجيك أنا قاعده أطالع دي في دي والا شسالفه !!!
يعطيج العافيه بس لا تحطين بقلبج وايد بتتعبين وأصحاب الشأن مستانسين وتارسيين مخابيهم فلوس :)
وانتــي الصـاجه
كـلامج صــح
الله يكون بعـونا بس الواحد مايقدر غير يشوف ويسكتـ
الله يعافيج حبيبتي
نـورتي مدونـتي حبوبه
لا عدمناج
انا صار لي من جم يوم قاعد اتابعج بس اليوم قررت احط كومنت بتعرفين ليش بس خل ارد اول على موضوعج
اهي من ناحية عيب عيب بس وين الناس الي تسمع
قررت اني احط كومنت بسبة لعبة التحدي نرفزتني :@ وصلت 12 ثانية و كسور
يعطيج العافية اختي
الفلوس تخليهم يسوون كل شي
انا مفكره اقول حق ابوي يشيل كل القنوات العربيه ويحطلنا شوتايم لان اختي الصغيره صارت ادمااااان مسلسلات
وكل مسلسله اخيس من الثانيه
تخيلي تقول حجي اكبر منها !!
انا اقول صاروا الاجانب احسن منا !
لوووول عبـادي
وانا متـنحه قلت شسـالفه اي تحدي هذا
انا مااذكر كتبت شي عن تحدي؟
توني استوعب ان لنك لعبه حاطته لوووول
لا تلومني توني قاعده من النوم
بعد في خوش لعبه بحطها كمل عليها لوول
حياك الله عبادي اسعدني مرورك
شلالات والله مثل اختي
ياهل بالابتدائي انصدم منها
تتكلم كلام غريب واكبر منها
احنا مانقـوله
وسـوالف اكبر منـها !
صج التـلفزونات تخرب
ومسلسلاتنا خراب بخراب
دام اللي يكتب فجر السعيد وامثالها
لا بالله خرب مجتمعنا
اسعدني وجودج حبيبتي شلالات
حياج الله
شاكرلج بالبداية هذه الصفحة .. بصراحة مع جولتي السريعة اكتشف هنالك مواضيع قيمة تمس الواقع الذي نعيشه .. بالنسبة لهذا الطرح .. أرى بأن الإنسان إن لم يستحي من خالقه فإنه يقدم على فعل ما تشاء أهواءه .. لا أقول إلا اللهـ يحفظ البقية الباقية .. وشاكرلج الطرح ..
عسى ما شر من زمان ما كتبتي ^_^
وكل عام وانتي بخير ^_^ لا اطولين عاد
إرسال تعليق