بــســم الله الــرحمن الرحيـــمــ
\
\
\
بمــان انــ تخصصي علم نفس
والحيــن ان شاءالله بروح سنه ثالثه
ولله الحمد ماصادفتني اي مشكله بتخصصي
حبيــت اتــكلــم عن علم النــفس
( تخصص ميــانيــن)
( معقــدين)
هالكــلمة دايمــا اسمــعها ومازلــت الى الأن اسمع فيهــا
من قررت انــي اتخــصص علم نفــس !
ليــش؟
سؤال يدور بــذهني
لكــن اقــولك يا علم النفــس
( اللي مايعرفك مايثمنــك )
اذكر يوم قررت اتخصص علم نفس
وقلــت حق ابوي قراري
يبا: خلاص ابي علم نفس
اول كلمة رد علي بعد سمع الخبر تدرون شــقالي؟
ابوي : يعني بتصــيرين ميــنونه؟
:(
ليــش الناس فكرتهم غلط؟
ليش عندهم علم نفس معادله تساوي
علم نفس = معقد+مينون+مشاكل نفسيه !!
معادله غلط
وفكره خاطئه
بما انـي تعمقت بالتخصص ف حابه اتكلم عن تخصصي لعل وعسى افيد او اغير من فكرتكم حتى لو شوي
انا من ايام كنت طالبه بالثانويه قررت اني اتخصص علم نفس
كنت ب نــظام المقررات ف كان علينا مقرر علم نفس
خذيته وفعلا لقيت نفسي بالماده شفت روحي بعلم نفس
طلعت بدرجه عاليه وكان تقديري A
حبيته
تعمقت فيه
وانا من صغري كنت احب اتعلم عن الانسان
افسر ليش سوا جذي؟
ليش فكر بجذي؟
هذا اشلون شخصيته؟
كنت بروحي افكر بهالافكار
ولقيت التخصص اللي يخدمني
للأمانه اهلي كانو يبوني ادش بتخصص اكبر من جذي
كوني اكبر بنت بالعايله
وثاني حفيده كان يسبقني ولد وللأسف مادخل الجامعه
ف الكل كان ينطرني
لكن لحبي لعلم النفس
قررت اتوكل على الله واتخصصه
شنو علم نفس؟
باختصار
علم النفس هو الدراسة العلمية للسلوك الإنساني ولتوافقه مع البيئة
علم نفس علم اعرف فيه دوافه وانفعالات الانسان والاساس الفسيولوجي لها
اعرف انواع شخصيات البشر
علم النفس يدرس السلوك الإنساني
اعرف الامراض النفسيه سببها؟ مصدرها ؟ علاجها ؟
اعرف اشلون اربي الطفل على حسب عمره ومرحلته
اعرف تصرفاتي وشنو اثار هالتصرفات والسلوك بالمستقبل على الانسان المفعول به
اعرف هرومونات الانسان وتأثيرها على جسم والحالة النفسيه للانسان
علم النفس يدرس السلوك الحركي واللفظي , النشاط العقلي , النشاط الوجداني
يدرس العلاقة بين الجهاز العصبي والسلوك
يدرس العلاقة بين الفرد والجماعة
يدرس مشكلات الأسرة
يدرس عن ذوي الاحتياجات الخاصة
واشلون نربيهم ونراعي حالتهم النفسيه
الدوافع
الانفعالات
النضج
الإدراك
التعلم
التذكر والنسيان
التفكير
الشخصية
الفروق الفردية والذكاء
اضطرابات السلوك وعلاجها
الانفعالات
النضج
الإدراك
التعلم
التذكر والنسيان
التفكير
الشخصية
الفروق الفردية والذكاء
اضطرابات السلوك وعلاجها
حتى الحب والرومانسيه والاعجاب يدرسهم ويفرق بينهم
\
\
\
هل هذا يسمى بالجنــون؟
او التعقيد؟
مــ ا أظن
لو كــل شــخص قرا بعلم النفس
ممكن قــلت المشاكل وعرف اشلون يربي عياله عشان يطلعون ناس سويين
عرفت اشلون يتعامل مع الانسان
يقدرهم يراعي ظروفهم
يتفهم شخصيتهم اكثر
جــان امور تــعدلت وتصلحت للأفضل
انــا عــن نفســي استفــدت وايد
مو بمــجال دراستي فقط
علم نفــس فادني بحيــاتي الشخصيه
ممكن شغلات كنت اسويها قبل لا اتخصص
لكن الحين بعد ماتخصصت لا
تعلمت واستفدت وصححت اخـطاء
تعمقــ بعلم النفس
متــفوقه
المعدل عــالي ولله الحمد
وتفكيري بالماجستير
فعلا الانسان اذا حط شي اباله ومصمم عليه
محد يرده ويبدع فيه !
وهالشي اثبتــه انا بدراستي
شي انا اخترته
انا حابته
حبيته وتفوقت فيه وابي اكمل فيه
محد يمنعني عنه
نصيحتــي لكل طــالب وطــالبه
فكر بشــي تحبه وانت داخلك تبيه
انا ضد مبــدأ اتخصص عشان وظيفة هالتخصص قويه
وله رغبة الوالد والوالده !
الانسان لازم بنفسه يختار
لأن لو غلط بيتحمل نفسه خطأ اللي ارتكبه ومايلوم غيره
بنفسه بيصلح خطأه
علم نفس اكبر من يربطونه بالجنون او التعقيد
مثل ما الدكتور يعالج المرضى
علم نفس يعالج المرضى بس نفسيا
واللي قالي بتصيرين مينونه بتتعقدين
قاموا يطلبون مني احلل شخصياتهم الحين ويستشيروني بمسائل نفسيه !
عموما ادري اني طولت
حبيــت أوضح لكم معنى وصورة علم النـــفس
دمــتــمــ بــود
هناك 4 تعليقات:
اذا ابسنه ثالثه قدمتي استشاراة لا عيل بتصكين على ملوت علم النفس عندنا بالديره ..
مبارك عليج الشهر
لوووول
اخلــجت تــواضعنــا P:
علينا وعليك يتبارك
كل عام وانت بخير
والف شكر لك
اسعدني مرورك وتعليقك
لوول انا من قريت التعريف مال علم النفس ذكرتيني بدكتورة شيخه المزروعي الله يذركها بالخير اخذت عندها المدخل والحمدلله ابدعت بس انا رايح صوب الإعلام
:)
بالتوفيق
بييه عاد دكتوره شيخه المزروعي موذاك الزود : (
اجمعين يارب
ويوفقك يا أعلامـي :P
عــاد كنت حاطه ابالي لو ماتخصصت علم نفس
ادش اعلام
بس الحمدالله دشيت التخصص اللي ابيه
نــورت
دمتـ بحفظ الرحمن : )
إرسال تعليق