بســمــ الله الــرحمـــن الــرحيـــم
\
\
\
بمــا إنــي طـــالبـــة فـــي الجــامعة وبــروح الفــرقة الثــالثــه إ ن شاءالله
حبــــيت اتــكلـــمــ عــن الجـامعة
\
\
( الجــامعــة دنيــا وحيــاة ثــانيــة )
كـــنـت دايــما اســمــع هالجــملة بــس مافهمــت معنــاهــا !
\
\
\
وكبـــرنــا ودخلنــا الجــامعــة
وفعــلا فهـــمــت معــنى الجملــه وكــانت فعــلا بمحلــها
الجــامعة مجتــمع صغـــير فيــه النـــاس أشكــال وألــوان !
البــدوي والحــضري
البــدون والكــويتي
خليــجيــن وعـــرب
نـــاس هــاي ونــاس عــلى قــدها
نــاس فــالحة تحتــرمهم
ونــاس طـــالحة تـــقول حــرام هــذا ينقـــاله جــامعــي !
واحنــا مجــبوريــن نتخــلط مــع الكـــل ونــشوف الــكل
وانـــا بــرأي هالشــي جــيد ومفـــيد !
تقــولــون اشــلون؟
بــاختـــصار !
( حشـــرٍ مع النــاس عـــيد )
لكـــن المشــكله مــو اهنــي
المـــشــكله ب
( مــــفخــرة الحــرم الجــامعــي )
المــشكـلــه ب
( قـــدوة الطــلبـة والطــالــبات )
المشــكــلة ب
( كـــاد ان يكـــون رســـولا )
اعتقـــد عرفـــتوا مـــنــو أقصـــد
< دكــاتــرة الجــامعــة >
فـي دكـــاترة بــصراحة مــاادري فكــرت وايــد واحــترت
اشــلون خذا شهــادته اشــلون صــار دكتــور !
عـــاهـــات الجامـــعة ولــيســوا مفــخرة للحــرم الجــامعي
(البـــــــعض ) وحــطوا تحتــها ألـــف خـــط
منــ الــعاهـــات اللـــي مــروا علــــي : ( حقيـقه ولــيس من خيــالي)
1-دكـــتــور يــقولكـ مــاكــو شـــي اسمــه سحــر !
تقــــول دكــتور بالقرأن مــذكــور
يـــقولكــ مـــالي شغــل مــاكو شــي بالحيـــاة اسمــه سحر
لـــو فـــي ســـحر جـــان سحــــرت ( هيــفاء وهبـــي ) وتــزوجــتها !
ونــعم الدكـــتور
هــذا عــاهه نــمــبر 1
2- دكـــتور شغــله الشــاغل يضــبط البنــات حق الشــباب ويــضبـط الــشباب حق البنــات
تــلزقــين فــيني وتقــعدين بمكــتبي انتــي A
صديقتـــي وانــا قـــاعديــن ومكتــبه قـــريب منـا
طبــعا كالعــادة مكتــبه فل بنــات وسـوالف وضحــك
واحــد من زمــلائنــا بالكــليه واقــف عند بــاب مكتــبه يــبي يكــلمه مو قــادر
نــاطر الينــات يطــلعون من مكتــبه وزهــق واهــو ينطـــر !
قــامت صديقتــي بعد ماكسر خـاطرها الريــال ربع سـاعه وقاقــف علـى ريــوله ينــطر
قــالتـــله دكــتــور فـــي واحــد حــرام صــارله ســاعه ينــطرك بــرا ومــو قــادر يدش عشــان البنــات
والــصدمــه كـــان بــرده
تــدرون شـــرد ؟؟!
عــاجبـــج؟ تـــبين اضــبطه لــج؟
ونــعـــمـ الــــقدوة
هــذا عــاهه رقـــمــ 2
3-دكـــتــوره بكـــل محــاضــره تعـــيد اسطــوانتــها
يالـــيت بــشــي مفـــيد !
انـــتو مســاكيــن اشــلون تخصصـتوا هالتخـــصص
تخصصــكــمــ ( كـــافــل يتــيم )
انا نــدمــانه لــيش تخصـــصت هالتخـــصص
مــن قــرادتـــي !
من ســوء حــظي !
لو يـرجــع فــينــي الــزمــن مــا اتخــصص هالتــخصص
هـــذي القــدوة؟
هـــذي دكــتوره تـِـدرس تخصصـها بـــضــمـــير
وتفــيدنــا من الــمرتبه اللي وصــلت لهــا
غــصب تكــرهنــا بتخصصــنا
هــذي عــاهه رقمــ 3
4-دكـــتــور يحــط الــدرجــات النــهائــية
بــس مــاتــشوف وراه الــى غــباره
مســرع طــار اختــفى
ويــنــك دكــتور بكلمــك بنــاقشكــ !؟
انـــسى
تــعابــل وكــل يــوم تــروح الكــليه وتطــق درب
تبيــه تــبي تكــلمه
يـا سكـرتــاريه دقـــي عليــه
طوط..طوط..طوط
بالغصـــب يــرد ويقــولك بكــل بــرود تعال الاحــد انا مــوجود ساعه 8 لي 9 فقــط !
صــار الأحـــد
وقــوم الصبــح وتــوصل قــبل ال 9
طق طق طق
واطــق بــاب مكــتب الدكــتور وله موموجــود !!
ونــرد حق هالسكــرتـاريه
وتــرد تــدق علـــيه
ويــقــول انـا نــطرت لي 8 وربــع ومشــيت !!
يالله راد
وتنطــر وتنطــر
وشــوي وله يــاي مــصري " الدكــتور مش هييجي هنــا عايـزينوه هو مــوجود بمــركــز الــلغــات "
ويالله نــروح وأمــرنا لله
ونركــب البــاصات اللي داخــل الحـرم الجــامعي اللي توصــلك لــي مســفاطك ومن المــسافط لي بــاب الكليــة
وتــروحله مشــي
واخــر شـــي
تشـــوف درجـة امتـحانك تشــوف ورقــة الفــاينل
وله اخخخخ!!
صدمة :(
اربــعه اسئــله صح حــاطهم غــلط !!
انــزين ليـــش ؟؟
شــوف دكــتور !
الدكــتور " اي والله صـــح مــنو حــاطــه غــلط "
اشكــره مـو اهــو المصــلح!!
ويكــتب اسمــك فقــط ويعــدل درجتــك!
انــزين وبــاجي الطلبــه والطــالبات اللي بالشــعبة!
تصلــيح غلــط
دكــتور صحـــي ضمـيرك الــظلــم مــوزين !
عمــك اصمــخ
هــذا عـاهه رقــمــ 4
عــاههات شفتــها وعشــتها
واظــن فــي مـزيد من العــاهـات راح اقابــلها
والله يســـــتر !
هناك 7 تعليقات:
السلام عليكم ورحمة الله وبركاته
يسعدني ويشرفني أن أكون صاحبة أول كومنت بالبلوق هذا.. احم وبعد
والله يا ملوكه اذا نبي نتكلم عن جامعة الكويت يبيلنا نألف كتب
اهو عاهات واهو قرارات ماادري شلون صايره والاتحاد مو مسويلنا شي قاصين علينا
وكما هو معروف طالب جامعة الكويت تعريفه:"كائن نصف حي, مكروف دراسيا محبوس يوميا مغصوب تعليميا محروم ترفيهيا مضطهداجتماعيا مريض نفسيا ... من كثر الضغط يبكي لاشعوريا
"
والدكاتره على قولتج العاهات طبعا فئة معينة منهم مو الكل وهالفئة ياوخيتي معقدين نفسيا
عالجيهم انتي عاد ههههههههههه
ماغير يشوتونج بره الجامعه لوول
نتحمل بعد شنسوي
بس كلمة الحق تنقال باجي الدكاترة غير هالفئة المعقدة والله ينحطون عالراس ..خاصتن (دكاترة قسم الاعلام)< فديتهم كلهم :P
وبالنسبة حق العاهة رقم (3) نصيحة يعني انتي سوي عليج وتوكلي على الله والدكاترة اهما وضميرهم ربج يحاسبهم , والحمدلله ان اخر شي اخذتي حقج :)
مشكوووووره ^_^
دكتور يداوم يوم وترك،،
واذا داوم يعطينا من وقت المحاضره ربع ساعه ويطلع ،،
مانلقاه بالساعات المكتبية،،
نفسيته الله بالخير ويا الكل ،،
وبالاخير قريداتنا كالتالي:
-C
+D
FA
F
عاهة رقم 5
لوووول شــوش حبيبتــي
تعريفــج عجـــيب وبمــحله
عجبني P:
الله يعينا بس عليهم
شــاكرتــلج مــرورج
نــورتي
قــواج الله
عــذبــه
ياكــثر هالنــوعيه من الدكــاتره
الله يفكــنا من شــرهم
ومــايضيع حقنــا
شكــرا لمــرورج الكــريم
اسعدنــي
ياجمــاعه الــظاهر المــوضوع كــان
فــال فقـر علــي
الــيوم طلــعتــلي عــاهه خامســه
وبــاجر من الصبــح رايحــه الجامعه ماني ســاكته عنـ حقــي
شعور خـايس وقبيــح لمن تحســ بالظلم
وهــذا اللي قاعده احس فيه حاليا
ظلمنــي دكــتور بدرجه
ورافــع الشعبه قريدين ماعدا انا ليش؟؟
مع ان في بنــات مستــواهم اقـل مني
قهــر وربـي
من حطــيت الموضوع طلعلتي عاهه خامسه
ان شاءالله باجر الحق على هالعاهه وتتعدل قبل لا تصــير عاهه 100%
:(
:(
انا اشهد ان كلامج صح من اول كلمه لما اخر كلمه
احنا المفروض بعد ما نتخرج من هالجامعه يعطونا شهادتنا + شاهدة طولة بال وتحمل
:)
قواج الله
هلا أخوي ducati
اي والله وانت الصاج
الله يكون بعونـا
اجمعين
اسعدني مرورك وتعليقك
دمــت بحفظ الرحمـن
إرسال تعليق